STEAM bilimlendiriw texnologiyası mektep oqıwshıların jańasha oqıtıw metodikası bolıp, dástúriy oqıtıw metodikasınan ózgeshelikke iye metodika esaplanadı. Ol oqıwshılardı bir waqtıtiń ózinde tórt- ilim (Science), texnologiya (Technology), injenerlik (Engineering), súwretleytuǵın kórkem-óner (Art), matematika (Math) boyınsha oqıtıwǵa mólsherlengen. STEAM pánler boyınsha emes, bálki temalar boyınsha integraciyalasqan oqıtıw sisteması bolıp tabıladı.

 STEAM bilimlendiriwde ámeliy shınıǵıwlar járdeminde ilimiy-texnikalıq bilimlerdi real turmısta qóllaw túsiniledi.

 Prezident mekteplerinde “ STEAM” bilimlendiriw baǵdarlaması tiykarında oqıwdı shólkemlestiriw, 9 -11-klaslarda oqıwshılar ózleriniń qızıǵıwshılıqına qaray ayırım pánlerdi tańlaw arqalı individual bilim alıw múmkinshiligine de ıyelewi menen ulıwma bilim beriw mekteplerinen túpten parıq qıladı. Sebebi Prezident mektepleriniń tiykarǵı wazıypalarınan biri – tábiy hám anıq pánlerdi tereń oqıtıw, oqıwshılardıń innovciyalıq bilimlerdi ózlestiriwi, olardıń intellektuallıq, ilimiy-dóretiwshilik potenciallerin ashıp beriw hám rawajlandırıwdan ibarat.

 STEAM ge tiyisli sabaqlıq hám oqıw qóllanbaları  Cambridge University Press sonday-aq Oxford University Press hám Collins sıyaqlı ataqlı baspalar tárepinen baspadan shıǵarılǵan. Cambridge usınıs etip atırǵan oqıw programmasınıń tiykarǵı artıqmashılıǵı jáhán miynet bazarındaǵı principlerden kelip shıǵıp, oqıwshılarda tiyisli zamanagóy bilim hám kónlikpelerdi qáliplestiriwge itibar beriw bolıp tabıladı.

 Oqıwshılarǵa usı pánlerdi oqıtıwda maman jergilikli oqıtıwshılar menen bir qatarda, shet elli oqıtıwshılar da sheriklikte sabaq beredi. Joqarı mamanlıqqa iye shet el qánigelerdi jumısqa tartıwda usı jóneliste kóp jıllıq tájiriybege iye “Teachaway” (Kanada ) hám “ TICR ecruitment” (Ullı Britaniya ) rekruting kompaniyaları menen birgelikte jumıslar ámelge asırılıp atır.

 9 -11-klass oqıwshılarınıń qızıǵıwshılıqları hám talantlarına qaray, Prezident mektebinde bilim alıw procesin individualizaciyalasqan halda alıp barıladı.

 Prezident mektepleri pitkeriwshileri belgilengen tártipte mámleket tárepinen tastıyıqlanǵan gúwalıq, attestat penen bir qatarda, xalıq aralıq abıraylı joqarı oqıw orınlarına kiriw ushın tayarlanadı.