NÓKIS QALASÍNDAǴÍ PREZIDENT MEKTEBI OQÍWSHÍLARÍ “XALÍQARALÍQ STEAM ÁZERBAYJAN” FESTIVALÍNDA ALTÍN MEDAL JEŃIMPAZÍ BOLDÍ
Xabarıńız bar, Ázerbayjan Respublikasınıń Boku qalasında tábiyiy, texnologiya, injenerlik, kórkem-óner hám matematika pánlerin uyǵınlıqta oqıtıw usılına baǵıshlanǵan “Xalıqaralıq STEAM Ázerbayjan” festivalı shólkemlestirildi. Bunda Ózbekstan, Turkiya, Niderlandiya, Chexiya, Bolgariya, Ullı Britaniya, Qazaqstan, Norvegiya, Slovakiya, Túrkmenistan hám basqa da mámleketlerden qábiletli oqıwshılar qatnastı.
⚡️Usı festivalda Nókis qalasındaǵı Prezident mektebiniń 8-klass oqıwshıları Damirov Mehriddin hám Qaypnazarov Zafar, sonday-aq, olardıń robototexnika dógerek basshısı Botabaev Bawırjan mámleketimiz atınan qatnastı hám Lego baǵdarında birinshi orın jeńimpazlıǵın hám altın medaldı qolǵa kiritti.
Oqıwshılarımızdı, olardıń ata-anasın hám ustazların usı jetiskenligi menen shın júrekten qutlıqlaymız!